Xaime Domínguez Toxo
Xaime Domínguez Toxo. (XAIME TOXO)
Galicia- Bueu 1955.
Escritor. Licenciado en Filosofía e Ciencias da Educación.
Presidente do Ateneo de Pontevedra dende o ano 2007.
Ten publicado na editorial Xerais o libro de relatos AS PALABRAS QUE MOVE O MAR, polo servizo de publicacións da Deputación de Pontevedra conxuntamente co artista Antón Sobral ten publicados os CADERNO DE MAR I e II, na editorial Ancoradouro o libro de relatos PROTEXER O INVISIBLE, na editorial Laiovento o poemario A CASA SEN NÓS, conxuntamente co deseñador Rai Iglesias e o fotógrafo Juan de la Sota o libro de artista TOXO SOTA ATLAS DE DÚAS RIBEIRAS e na editorial Galaxia a novela 70 GRAOS NORTE.
Conxuntamnte co realizador Manuel Yañez é autor do audiovisual literario O ESTROBO NO TOLETE.
Conta no seu haber con distintos relatos e poemas publicados en libros colectivos, revistas e xornais.
Premios:
- Premio Primeiro Certame Literario “O xadrez faise palabra” da ONCE, Madrid, ano 2000, co relato Escuro é o rostro da memoria.
- Accésit do Premio Modesto R. Figueiredo no 2002.
- Primeiro premio do Certame de relatos do Concello de Paradela no 2002.
- Primeiro premio do Certame Manuel Murguía de narracións breves no 2004.
- Accésit do Premio Modesto R. Figueiredo no 2011, por Eco da afasia.
- Accésit no Certame Manuel Murguía de narracións breves do ano 2011 polo relato Unha viaxe de inverno.
Pedagogo e mestre especialista en Cegueira e Baixa Visión.
Formou parte do Equipo de Intervención Pedagóxica en Cegueira, Baixa Visión e Orientación Escolar da O.N.C.E. na provincia de Pontevedra.
Profesionalmente acadou os seguintes premios:
No “Concurso Nacional de Experiencias Escolares” do ano 1996/1997, Terceiro Premio polo traballo “Arte, historia y naturaleza: un mundo abierto a la ceguera”, no ano 2000/2001, Primeiro Premio polo traballo: “El mar en tus manos”; no Concurso Nacional “Experiencias Escolares” do ano 2002/2003, Primeiro Premio polo traballo “Relieve Vivo”.
Titor universitario dos alumnos de Educación Social da Universidade de Santigo no Programa Practicum III durante o curso 97/98.
Titor do Practicum II na Facultade de Humanidades de Ourense no curso 98/99.
Titor do Practicum II na Facultade de Ciencias da Educación, Campus de Ourense, no curso 2000/01.
Titor no Practicum de Educación Social na Facultade de Ciencias da Educación da Universidade de Vigo, Campus de Ourense, no curso 2002/03
Ten publicado numerosos traballos e artigos en revistas especializadas.
Participou no proxecto de intervención inclusiva Sentir o Mar.
Coordinador do proxecto Patrimonio e Turismo Inclusivo na Ribeira Sacra no marco do programa O teu Xacobeo.
Foi membro do Consello Asesor do Museo de Pontevedra e realiza actividades de proxectos culturais na vila de Bueu como membro do colectivo O MAR POR DIANTE.
